Paspas nga gipatuman sa Department of Trade and Industry kagahapong adlawa ang pag-freeze sa presyo sa tanan nga mga batakang panginahanglanon human sa pagdeklarar sa usa ka State of National Calamity.
Gimugna ang deklarasyon ni Presidente Ferdinand Marcos Jr. niadtong Huwebes human sa pagkuso-kuso sa Bagyong Tino sa Central ug Eastern Visayas ug sa sa posibleng epekto sa super typhoon nga moigo sa Luzon sa pipila ka adlaw.
Apil sa listahan sa DTI sa mga batakang panginahanglanon mao ang mga de lata nga isda sama sa sardinas, locally manufactured instant noodles, bottled water, pan, processed milk, kape, kandila, sabon panglaba, detergent, ug asin. Diin gibutyag sa DTI, ang price freeze magpabilin sa puwersa sulod sa 60 ka adlaw, o hangtod nga tangtangon sa Presidente.
Diin ang DTI nakig-alayon sa tanang nag-unang ahensya nga nagpatuman sa NPCC aron mapanalipdan ang mga konsumidor niining kritikal nga panahon.
Dugang pa sa DTI nga kini nakigtambayayong sa mga manufacturer, retailers, ug distributors aron masiguro ang igo ug makanunayon nga stock sa mga batakang panginahanglan ug prime commodities.
Matod sa ahensya ang tanang DTI Regional ug Provincial Offices anaa sa heightened alert ug gipalihokna aron ipatuman ang pagsunod sa price freeze ug mamentinar ang igong suplay sa tibuok nasod.
Photo Courtesy to:Daily Guardians
