Gipatuman dayon sa buhatan sa Department of Trade and Industry (DTI) ang automatic price freeze sa tanang nag-unang palaliton human nga mi-pailawom sa state of national calamity ang nasud Pilipinas pinaagi ni Presidente Ferdinand “Bongbong” Marcos Jr.
Sumala pa sa DTI, magpabilin ang price freeze sulod sa 60 ka adlaw aron masiguro nga dili mosaka ang presyo sa mga batakang panginahanglanon sa mga apektadong lugar.
Samtang sa pikas bahin, ang ahensya nagkanayon nga nagpadayon sila sa pakig-alayon sa mga manufacturers, retailers, ug distributors aron mamentinar ang igong suplay sa mga batakang palaliton ug prime commodities.
Gi-pasalig usab sa DTI nga alerto ug andam ang ilang regional ug provincial offices sa pagpatuman ug pagmonitor sa pagsunod sa mga establisemento sa price freeze.
Photo Courtesy to:BAIVI Group
