Miubos ang gidaghanon sa mga walay trabaho sa Pilipinas ngadto sa 1.96 milyon sa Setyembre 2025, gikan sa 2.03 milyon nga natala niadtong Agosto, sumala sa pinakabag-ong Labor Force Survey (LFS) nga gipagawas sa Philippine Statistics Authority (PSA) niadtong Huwebes Nobembre 6,2025.
Bisan pa niini, giingon ni PSA Chief ug National Statistician Claire Dennis Mapa nga mas taas gihapon kini kumpara sa 1.89 milyon nga natala sa samang bulan sa 2024.
Ang unemployment rate sa Setyembre 2025 kay 3.8%, nagpasabot nga 38 sa matag 1,000 ka tawo sa labor force ang walay trabaho o negosyo. Kini mas ubos kaysa 3.9% sa Agosto 2025, apan gamay nga mas taas kumpara sa 3.7% sa Septiyembre 2024.
Ang labor force participation rate mikunhod ngadto sa 64.5% gikan sa 65.1% sa Agosto, ug mas ubos usab kaysa sa 65.7% sa Septiyembre 2024.
Sumala pa ni Mapa, ang gidaghanon sa mga tawo nga adunay trabaho sa Septiyembre 2025 kay 49.60 milyon, nga 494,000 nga mas ubos kaysa sa Agosto 2025 ug 270,000 nga mas ubos kaysa sa Septiyembre 2024.
Ang datos nagpakita nga samtang nagkagamay ang walay trabaho, nagpabilin gihapon ang hamon sa pagtaas sa labor force participation ug pagpabilin sa trabahoan sa nasod.
via: SPOT PH
