Calaboso el un habal-habal driver despues con este confisca milliones valor de alegao shabu durante el anti-illegal drug buy-bust operation del maga personajes del CDEU-9 na Sun flower lane, barangay Canelar en este ciudad pasada alas nueve del noche Noviembre 06, 2025.
Con el suspechao ya identifica como si Darwin Milana y Brizo alyas “DAR” 43-anyos soltero y residente des del blk 3,lot 1,barangay Tulungatung en este ciudad.
Durante el operacion ya puede confisca el maga otoridad maa o menos 500 gramos con estimao valor Php3,400,000.00 y el un pedaso 1000 peso como marcao sen.
Mientrasatanto el maga alegao shabu ya llev na ZCFU-9 para el qualitative y quantitative examinacion mientras el alegao drug suspect na custodia del PS-11 y esperansao hay emfrenta el caso bajo na acto republica 9165 o mas conocido como the Comprehensive Dangerous Drug act of 2002.
