Gipakaslan sa usa ka lalaki sa Indonesia, nga si Khoirul Anam ang rice cooker. Sa iyang Facebook post, makita siya nga nagsuot og pormal nga sinina, gipirmahan ang papel sa kasal, ug gibutangan pa og belo ang rice cooker.
Matod pa ni Anam, “ang rice cooker hilom, masinugtanon, ug maayong moluto.” Apan pagkahuman lang sa upat ka adlaw, iyang gipahibalo nga nagbulag na sila, kay “kan-on ra man ang iyang kabalo lutuon,” nga iyang gisulti uban sa kataw-anan nga tono.
Ang kasal matod pa usa ra ka prank sa social media, dili tinuod, ug gituyo aron malingaw ang iyang mga followers.
Bisan pa man, nakakuha kini og dakong atensyon sa tibuok kalibutan, ug nagpakita kung unsa ka grabe ang impluwensya sa social media, diin usahay malibog na ang tawo tali sa komedya ug tinuod nga panghitabo.
Photo Courtesy to:News 18
