Natino nga anaa sa kapin 7,000 ka barangay sa tibuok Pilipinas ang apektado sa pagdahili sa yuta (landslide) ug pagbaha tungod sa mga pag-ulan dala sa lapad nga sakop sa bagyong Tino.
Matod pa ni Office of the Civil Defense (OCD) spokesperson Junie Castillo, gipahibalo na nila ang kinatibuk-ang 7,864 ka barangay nga apil sa lista sa mga delikado sa rain-induced landslide ug baha.
Sumala pa sa opisyal nga anaa sa 100-millimeter (mm) hangtod 150 mm ang gibana-bana nga masinati nga pag-ulan sa maong mga barangay.
Kini base sa datos gikan sa Department of Environment and Natural Resources’ Mines and Geosciences Bureau (DENR- MGB).
Samtang, nagpatuman sab og forced evacuation (pinugos nga pagbakwit) sa mga duol sa kabaybayonan sa Eastern Visayas tungod sa hulga sa storm surge (kusog nga pagdagsa sa tubig-dagat).
Photo courtesy: Civil Defense PH
