Arestado ang giilang Top 6 Regional Most Wanted Person sa operasyon sa otoridad, alas 8:30 sa buntag niadtong Nobyembre 1, 2025 sa Midsayap Integrated Terminal, Barangay Sadaan, Midsayap, Cotabato.
Sa report, nasikop ang akusado nga giilang si Alyas Par, 33-anyos, minyo, mag-uuma ug residente sa Barangay Solon, Sultan Mastura, Maguidanao del Norte.
Ang dinakpan nga akusado adunay Warrant of Arrest alang sa tulo ka ihap sa Rape ug tulo ka ihap sa Qualified Rape nga gipirmahan ni Judge Jocelyn Alibang-Salud, Presiding Judge sa Regional Trial Court Branch 22, Kabacan, Cotabato, pinetsahan niadtong Oktubre 16, 2025 ug walay pyansa ang girekomendar sa mga nahisgutang kaso.
Sa karon, gitanggong na ang dinakpan sa custodial facility sa Midsayap PNP alang sa tukmang disposisyon.
Photo Courtesy to:PRO 12 Midsayap PNP
