Nag-viral karon sa social media ang usa ka pulis nga gi-relieve sa iyang puwesto human malambigit sa usa ka kontrobersyal nga kalihokan samtang naka-duty sa usa ka sementeryo atol sa Undas.
Sumala sa inisyal nga imbestigasyon, ang pulis nagpadula og “Bring Me Game”, apan dili ordinaryo ang iyang gipangayo — kinahanglan daw nga mga drug user ug drug pusher ang “dalhon” kaniya aron makadaog og premyo. Base sa impormasyon, ₱2,000 ang premyo sa makadala og user ug ₱5,000 kung pusher ang madala.
Dali kining misikat sa social media ug giisip sa mga netizen nga “pinakadilikadong Bring Me Game sa kasaysayan.” Apan ang iyang “happy-happy” nga ideya miresulta sa dakong problema, kay siya mismo karon ang gi-“bring me” sa iyang istasyon aron ipasabot ang iyang gibuhat.
Matod sa PNP Provincial Office, klaro kini nga paglapas sa police operational procedure ug sa code of conduct sa mga miyembro sa kapulisan, tungod kay dili angay nga himoon nga dula o pa-premyo ang seryosong kampanya batok sa illegal nga droga.
Source: PNP-PIO
Photo Courtesy to:Kaalaman
