Nagkauyon sila Pres. Ferdinand Marcos Jr. ug Chilean President Gabriel Boric nga dali-on ang paghuman sa Philippines-Chile Comprehensive Economic Partnership Agreement (CEPA). Oras nga kini makumpleto, kini ang mamahimong pinaka-unang free trade agreement sa Pilipinas sa Latin Amerika.
Nagka-atubang ang duha ka lider sa 32nd Asia-Pacific Economic Cooperation (APEC) Summit sa Gyeongju, South Korea, diin ilang gihisgutan ang lakang aron pakusgon pa ang relasyon tali sa duha ka nasud. Susama nga mituo sila Marcos ug Boric nga dakong lakang ang Comprehensive Economic Partnership Agreement (CEPA) aron mapalapad ang negosyo sa mga produkto ug serbisyo.
Mag-abli sab kini ug mas daghang export opportunities, ug magdala sa de kalidad nga mga produkto alang sa mga Pilipinong consumer. Kahinumduman ning bulan sa Octubre, nagsilbing host ang Pilipinas sa ikatulo nga round sa negosasyon alang sa kasabutan nga target mapirmahan sa dili pa matapos ang tuig.
Photo Courtesy to:Inquirer.net
