Gitunol sa Department of Social Welfare and Development Field Office XII (DSWD 12) isip kabahin sa 300 Metric Tons (MT) Japan Rice Assistance ubos sa ASEAN Plus Three Emergency Rice Reserve (APTERR) Program ngadto sa 5,000 ka pamilya nga naapektuhan sa baha sa mga probinsiya sa Sultan Kudarat ug South Cotabato.
Base sa listahan sa mga benepisyaryo nga gipagawas ang mga lokal nga kagamhanan makadawat sa alokasyon sa Japan rice diin naglakip kini sa Koronadal City ug Norala sa South Cotabato, ug mga lungsod sa Kalamansig, Lambayong, Lebak, ug Palimbang sa Sultan Kudarat Province.
Diin unom ka adlaw ang gipahigayong paghakot ug pagdiskarga sa mga Japan Rice sa Regional Warehouse sa DSWD Field Office XII sa Koronadal City, nga opisyal nga gidawat sa Regional Resource Operations Section (RROS) alang sa pag-apod-apod.
Ang DSWD 12 nagpadayon sa pagpatuman sa mga programa alang sa food security ug kaayohan sa katawhan sa rehiyon.
Photo Courtesy to:DSWD field office 12
