Gilauman sa Department of Energy (DOE) ang dakong pagsaka sa presyo sa lana lakip na ang gasolina, diesel, ug kerosene sa unang semana sa Nobyembre.
Sumala ni Rodela Romero sa DOE Oil Industry Management Bureau, posibleng mosaka ang presyo sa Gasolina ug ₱1.20 matag litro, Diesel ₱2.15 matag litro, samtang ang Kerosene ₱1.75 matag litro.
Matod sa DOE, ang hinungdan sa pagtaas mao ang pagbag-o sa trade tali sa Estados Unidos ug China, ingon man ang mga sanksyon batok sa Russia, ug pagkahuyang sa piso batok dolyar.
Kini na ang ikaduhang sunod nga semana sa pagsaka sa presyo sa lana human sa oil price hike nga nahitabo niadtong Oktubre 28, 2025.
Photo Courtesy to:Inquirer.net
