Malakip ang Kapamilya actress-singer nga si AC Bonifacio sa International K-pop film nga giulohan og “Perfect Girl.”
Usa si AC sa mga bag-ong miyembro sa cast nga naglakip usab nila Arden Cho ug May Hong, nga nailhan sa sikat nga Netflix animated movie nga K-pop Demon Hunters; ang K-pop star nga si Nancy sa Momoland; ug ang Thai star nga si Ally, uban pa.
Ang maong proyekto gidumala sa iladong Korean director nga si Hong Won-ki, nga kilala sa pagdirekta sa mga sikat nga K-pop music videos ug pelikula nga adunay moderno ug dynamic nga estilo.
Gibanabana nga ang “Perfect Girl” usa ka thriller-drama nga nagpalibot sa kalibutan sa mga K-pop trainees — usa ka pagtan-aw sa ilahang paningkamot, kompetisyon, ug mga peligro nga ilang giatubang aron makab-ot ang ilang damgo.
Ang maong proyekto gilauman nga maghatag ug dako nga oportunidad kang AC Bonifacio aron mapakita ang talento sa mga Pilipino sa internasyonal nga entablado, ug usa usab ka pasidungog sa Pinoy representation sa global entertainment industry.
Photo Courtesy to:Its a girl thing
