Mokabat sa 22 ka mga armas ug 4 ka mga explosives ang pormal nga gi-turnover sa mga residente sa Tabina, Zamboanga del Sur ngadto sa mga kasundaluhan nga gipahigayon sa Municipal Gymnasium sa Tabina, Zamboanga del Sur, adlaw’ng byernes, Oktubre 31,2025.
Nanguna sa turn-over ceremony si 53RD Infantry Matapat Battalion Commander LTCOL. Rolando E. Vargas Jr. kauban si Tabina Municipal Mayor Juhaine “Bader” Malaco.
Mitambong usab sa kalihukan si BGEN Samuel Yunque, Commander sa 102nd Brigade, PCPT Brainhull A. Sakkam OIC sa Tabina MPS, LCDR Vincent Bryan Marcos, Station Commander PCG ZDS, ug 2nd District Board Member John Regala.
Ang kalihukan kabahin sa Small and Light Weapon (SALW) Program sa Office of the Presidential Adviser on Peace Reconciliation and Unity (OPAPRU). Katuyoan sa kalihukan aron mahingpit ang pagbawi sa mga loose firearms ug makunhuran ang ihap niini nga anaa pa sa kamot sa pipila ka indibidwal.
Mipaabot ug mensaheng pagpasalamat si Mayor Bader Malaco ngadto sa tanang mga residente gikan sa nagkadaiyang barangay sa Tabina nga misanong sa panawagan sa otoridad aron sa pagpabilin sa kahapsay ug kalinaw.
