Midagan sa treadmill ang Usa ka lalaki, nga si Bjørn Tore Kronen Taranger, 45 anyos nga Norwegian, ultramarathon runner ang nagpamatuod pag-usab nga walay imposible sa determinasyon human niya malabwan ang iyang kaugalingong Guinness World Record alang sa titulo nga “greatest distance run on a treadmill in 24 hours (male).”
Ang atleta nakakuha og bag-ong rekord human nakadagan og total nga 270.16 kilometros sulod lang sa 24 oras. Kini halos katumbas sa distansya gikan sa Paris, France hangtod sa Belgium. Ang record-breaking event nahitabo sa usa ka hotel sa Drammen, Norway.
Dili bag-o si Bjørn niining hagit. Gigunitan usab niya ang miaging rekord nga 264.52 kilometros, nga iyang natala niadtong 2018. Sumala kaniya, iyang gisulayan pag-usab sa rekord tungod kay ang iyang stamina miuswag samtang siya nagkatigulang.
Gawas sa personal nga kalampusan, ang matag dagan ni Bjørn adunay mas lawom nga katuyoan.Uban niining rekord nga pagsulay, nakakolekta siya og pundo para sa Mental Helse, usa ka Norwegian charity nga nagsuporta sa mga isyu sa panglawas sa mga kabatan-onan.
Matod niya nga “Gusto nakong buhaton kini para sa tanang mga bata nga dili makalakaw, adunay sakit sa kasingkasing, kanser, ug uban pa.
Si Bjørn, usa ka 10 ka beses nga Norwegian ultramarathon champion, nangandam pinaagi sa “carb-loading” ug grabe nga “mental work.” Giangkon niya nga naminaw siya sa mga rock band sama sa Foo Fighters ug sa iyang kaugalingong banda aron mapalambo ang iyang motivation.
Malampuson niyang nahuman ang hagit nga gilibutan sa iyang pamilya, mga higala, ug mga tigpaluyo.
Photo Courtesy: guinnessworldrecords
