Gipasidunggan sa Department of the Interior and Local Government (DILG) Region X ang City Government of Iligan, atol sa pormal nga Community-Based Monitoring System (CBMS) Data Turnover Ceremony nga gipahigayon kagahapong sa Frosty Bites Garden Hall, Iligan City.
Sa maong panagtigom, si Program Manager Villebette Sato misaysay sa mensahe sa DILG nga nagpasabot sa lig-on nga pakig-partner sa kagamhanang lokal.
Gipasiugda niya nga ang pormal nga pag-turn over sa datos gikan sa Philippine Statistics Authority (PSA) usa ka dakong lakang sa paghatag gahum sa syudad pinaagi sa datos nga magamit aron makagama og tinud-anay nga mga programa, tukmang pag-apod-apod sa pondo, ug paglambo nga patas alang sa tanan nga Iliganon.
Ang maong seremonya nagtimaan sa usa ka bag-ong panahon sa data-driven local governance, nga naglatid sa mas episyente, transparent ug makatawhang pangagamhanan sa dakbayan sa Iligan.
Photo courtesy to :DILG Iligan
