Sikop sa mga otoridad ang usa ka lalaki nga gikonsiderang street level indibidwal human nadakpan atol sa gikasang buy-bust operation didto sa Prk. San Antonio, Brgy. Batobato, San Isidro, Davao Oriental pasado alas 12:57 sa kadlawon, Martes Oktubre 28, 2025.
Ang operasyon gihimo sa mga personahe sa Drug Enforcement Unit sa San Isidro Municipal Police Station, kauban ang mga sakop sa PDEU, PIU/DOPPO ug sa koordinasyon sa PDEA nga nagresulta sa pagkasikop ni alyas “Mac”, 33 anyos, minyo, usa ka construction worker ug residente sa Purok 1, Sigang, Brgy. Maragatas, Lupon sa maong probinsya.
Nakuha gikan sa dinakpan ang 2 gramos nga gibug-aton sa gituohang shabu nga adunay Standard Drug Price nga Php 13,600.00. Gimarkahan ug giimbentaryo sa lugar sa nahitaboan ang mga nasakmit nga ebedensya uban sa mga saksi ug sa suspek mismo subay sa balaod.
Kasong paglapas sa RA 9165 o Comprehensive Dangerous Drugs Act of 2002 ang atubangon sa suspetsado kinsa gikustodiya na usab sa San Isidro Municipal Police Station alang sa tukmang disposisyon.
Photo Courtesy to:San Isidro MPS
