Patay na nga napalgang naglutaw sa dagat ang usa ka 68-anyos nga lalaki human siya giatake sa iyang sakit nga epilepsy samtang namingwit, niadtong nakalabay nga adlaw, sa Brgy. Fabio, Taganaan, Surigao del Norte.
Naila ang biktima nga si Enrique Casundo, 68 anyos, molupyo sa nasangpit nga lugar. Nasayran nga ang biktima, sakay sa iyang bangka aron mamahog og isda ug namingwit sa dagat kalit matod pa nga giataki sa balatian hinungdan nga nahulog sa dagat ug nalumos nga miresulta sa iyang kamatayon.
Sumala sa anak niini nga si Relyn nga niataki ang sakit sa amahan diin nag-inusara na kini gumikan kay nanarabaho ang uban nga anak.
Sumala sa mga nakasaksi nga naglutaw ang biktima nga wala nay kinabuhi hinungdan nga dali nilang gi-rescue. Nagbangotan ang pamilya sa biktima dihang ilang nasayran ang hitabo.
