Nakadawat ang City Government of Tandag og ₱3.8 milyon nga pondo gikan sa Department of Agriculture – Regional Field Office XIII (DA-Caraga) alang sa pagpatuman sa Ready-to-Lay (RTL) Poultry Project ubos sa Livestock Economic Enterprise Development (LEED) Program.
Tuyo sa maong proyekto ang pagpalambo sa industriya sa manukan sa lokal nga level ngadto sa usa ka enterprise-based operation, pinaagi sa pagdugang og value-adding initiatives ug paghatag og malungtarong panginabuhian alang sa mga mag-uuma ug nag-atiman og kahayopan sa dakbayan.
Gidawat opisyal ang mao nga pondo sa ngalan sa dakbayan ni City Agriculturist Von Falcon atol sa turnover ceremony nga gipasiugdahan sa DA-Caraga Regional Office.
Gilauman nga pinaagi sa RTL Poultry Project, mas mapa-lig-on pa ang supply sa itlog ug mapalapdan ang kita sa lokal nga sektor sa agrikultura sa Tandag City.
PHOTO COURTESY TO: LGU TANDAG
