Nakahan-ay na ang deployment sa mga PNP personnel sa Pagadian City Police Station alang sa nagsingabot nga pagsaulog sa UNDAS 2025 sa Nobyembre 1 ug 2. Kini subay sa gibutyag ni Pagadian City Police Station Chief PLTCOL. Jerwin S. Cagurin atol sa pakighinabi sa Juander Radyo News Team.
Gisaysay ni PLTCOL Cagurin walo ka mga sam-ang sa syudad ang adunay police visibility alang sa hugot nga pagbantay sama ra usab sa nakalabayng tuig nga paghandom sa UNDAS.
Dugang pa ni PLTCOL Cagurin gatusan ka mga kapulisan ilang ipakatap sa nagkadaiyang pampublikong lugar lakip na sa mga sam-ang publiko ug pribado.
Adunay naka augment usab nga mga PNP personnel gikan sa 1st Provincial Mobile Force Company sa tuyo gumikan naandan ang pagdagsa sa mga katawhan panahon sa kalag-kalag.
Lakip sa adunay police visibility ang mga terminals ug mga malls kay sila naglaom nga mas baga ang ihap nga mudagsa sa syudad ilabina nga natunong nga weekend.
