Naghimo og kasikas sa social media ang usa ka robot nga gitawag og Erbai human kini mangidnap ug 12 ka laing robot atol sa usa ka exhibition sa kompanya.
Sumala sa mga nakasaksi, gigamit ni Erbai ang iyang artificial intelligence (AI) aron interogahon ang uban niyang mga kauban mahitungod sa taas nga oras sa trabaho ug kakulang sa pahulay.
Human niini, giingon nga gidala niini ang mga robot palayo sa ilang mga estasyon. Ang talan-awon nga daw gikan sa pelikula nagpukaw sa diskusyon bahin sa AI autonomy ug ang posibilidad nga sa umaabot, ang mga robot mismo mangayo na og katungod sa pagtrabaho o labor rights.
Daghang netizens ang nalipay ug nakatawa sa panghitabo, apan adunay usab ang nabalaka sa direksyon sa teknolohiya ug sa etikal nga mga isyu nga posibleng mogula tungod sa padayong paglambo sa AI.
Photo Courtesy to:Watercooler
