Nagbangotan karon ang TV host ug broadcaster nga si Kim Atienza sa pagkawala sa iyang kamanghuran nga anak nga babaye, si Emman Atienza. Taliwala sa kasubo, dunay netizen nga misaway sa pamilya ug mibasol sa kamatayon ni Emman, nga gitubag ni Kim ug gitawag ang maong komento nga “evangelical bully.”
Gigamit ni Kuya Kim ang social media aron ipaambit ang iyang handumanan sa anak, pinaagi sa pag-post sa video ni Emman nga nagkanta sa “Sailor Song” sa usa ka recording studio. Gisulat ni Kim ang bersikulo, “Ang Ginoo naghatag ug ang Ginoo mikuha; daygon ang ngalan sa Ginoo.”
Ang maong video mitabok na og kapin 1.6 milyon ka views, ug daghang netizen ang nagpahayag sa ilang pag-ampo ug suporta sa pamilya Atienza.
PHOTO COURTESY: WION
