Naghimo og kasaysayan ang France human nahimong unang nasud sa kalibutan nga nagpatuman og balaod nga obligado ang mga supermarket nga ihatag ang wala mahalin nga pagkaon imbes nga ilabay.
Ang balaod giila nga usa ka makabag-ong lakang aron mapugngan ang kagutom ug pag-usik sa pagkaon. Sa wala pa kini nga reporma, gibana-bana nga ang mga supermarket sa France naglabay og 43 bilyon ka kilogram nga pagkaon matag tuig, daghan niini luwas pa unta kaonon.
Pinaagi sa bag-ong balaod, gikinahanglan na karon nga makig-partner ang mga tindahan sa mga charity ug food banks aron mahatag ang pagkaon sa mga nanginahanglan sa dili pa kini ma-expire.
Gibabagan usab sa balaod ang pagdaot o pagpanumod og tinuyo sa pagkaon aron malikayan ang pagkuha niini sa mga nagkinahanglan, usa ka lakang nga nagsiguro nga wala gyud’y pagkaon nga masayang samtang adunay mga tawo nga nagutom.
via: TECH TIMES
