Naalaan nga kaluha ang usa ka magtiayong Intsik ang nahimong sikat sa social media tungod sa ilang talagsaong pagkaparehas. Si Liang Caiyu ug He Xiansheng nanag-iya og Herbal Medicine Store sa Dongguan, probinsya sa Guangdong. Bisan dugay na ang ilang pamilya sa negosyo sa tradisyonal nga medisina, ang duha naglisod sa pagpalambo sa negosyo. Nausab ang tanan sa dihang nagsugod sila sa paghimo og mga promotional clip sa Douyin (Chinese TikTok).
Namatikdan ni Liang ang ilang pagkaparehas ug nakombinsir ang iyang asawa nga mogama sa mga kataw-anan nga clip, diin parehas silag sinina aron mas ipasiugda ang ilang pagkaparehas.Kini nga mga clip ang ilang pangunang estratehiya sa pagpamaligya.
Matod ni Liang “Sa dihang una kaming nagkita, wala ko makamatikod nga managsama diay mig hitsura. “Sa miaging duha ka tuig, halos tanan namong adlaw-adlaw nga kalihokan, nagtrabaho, nagkaon, ug nagpahulay sa samang higayon. Tingali mao kana ang hinungdan nga mas nagkaparehas mi.”
Bisan tuod natural nga introvert ug maulawon si Mr. He, miuyon siya nga moapil gani nagsul-ob og babaye para sa mga video. Wala madugay, ang ilang business page gisundan sa daghang mga fans nga gusto makakita sa ilang pagkaparehas.
Ang uban nagkomedya nga nagkomento, “Pagpa-DNA test. Unsa kaha kon kamo duha dugay nang wala magkaila nga managsoon?” ug “Dili lang sila managsama og hitsura; managsama gyud sila. Parehas pa gani ang ilang mga porma sa baba.”
Ang ilang viral nga istorya nagpasiugda sa gahum sa social media sa pagpakatap sa talagsaon ug makalingaw nga mga istorya.
Photo Courtesy: South China Morning Post
