Dakpan sa kwerpo sa kapulisan pinaagi sa mga sakop sa Island Garden City of Samal Police Station (IGACOS PS) ang suspetsadong lalaking mi-atake sa mag-inahan , alas 5:30 sa hapon niadtong Oktubre 22, 2025 sa Purok 7-A, Sitio Moncado, Barangay Peñaplata, Samal District, Island Garden City of Samal.
Giila ang mga biktima mao si “Leti,” 50 anyos, ug ang iyang anak nga 11 anyos, og estudyante sa Grade 6. Ang suspetsado usab giila nga si “Mario,” 48 anyos, usa ka trabahador sa konstruksyon ug silingan sa mga biktima.
Base sa imbestigasyon, nagbarog si Leti gawas sa ilang balay dihang kalit miabot si Mario, ug gituok kini ug gitutokan og kutsilyo.
Gisulayan sa anak nga tabangan ang inahan pinaagi sa pagtulak kang Mario, apan siya maoy gidunggab sa likod nga bahin sa suspetsado nga dayon midagan sa wala matinong direksyon.
Dali nga miresponde ang mga personahe sa IGACOS Police Station ug mipahigayon og hot pursuit operation nga nagresulta sa pagsikop sa suspetsado ug ang duha ka biktima daling gidala sa Davao del Norte Hospital IGACOS-Zone alang sa medikal nga atensyon.
Photo courtesy to:IGACOS Police Station
