DUHA KA PATAY’NG LAWAS SA NAHAGSA NGA EROPLANO SA VENEZUELA, NAILHAN NA

Nailhan na ang duha ka patay’ng lawas sakay sa usa ka gamay nga eroplano human kini nahagsa samtang naglupad gikan sa Venezuela.

Sumala sa report sa Daily Mail, giila sa mga lokal nga awtoridad ang mga namatay nga biktima nga sila si Toni Bortone ug Juan Maldonado.

Dugang pa niini, duha pa ka pasahero ang naluwas sa pagkahagsa apan nakahiagom og grabeng samad sa kalawasan.

Kahinumduman, usa ka Cheyenne model nga eroplano ang nahagsa samtang naglupad gikan sa Paramillo Airport sa lungsod sa Táchira.

Sa inisyal nga imbestigasyon, posible nga nawad-an og kontrol ang piloto human mobuto ang usa sa mga ligid sa eroplano samtang naglupad pa lang kini gikan sa runway.