Nagpahibalo ang Department of Energy o DOE og bag-ong mga regulasyon nga nagmando sa mga distribution utilities nga ilakip sa ilang mga plano sa pag-uswag ang pagtukod og mga electric vehicle charging stations o EVCS, ug pagpadali sa pagproseso sa aplikasyon sa mga operator niini.
Base sa Department Circular No. DC2025-08-0012, gikinahanglan nga ilakip sa grid planning sa mga utility ang gilauman nga panginahanglan alang sa EV charging. Gikinahanglan usab nga makompleto ang pagproseso sa aplikasyon sa EVCS providers sulod sa 20 ka adlaw.
Giawhag usab sa DOE ang paggamit sa renewable energy sources sa mga charging station isip kabahin sa tumong sa gobyerno nga makab-ot ang 35% nga bahin sa renewable energy sa nasud sa 2030.
Giaprobahan usab sa DOE ang pagpasimple sa proseso sa sertipikasyon para sa mga tiggama, importer, ug dealer sa electric vehicles, nga i-align sa Vehicle Fuel Economy Labeling Program o VFELP, aron mapadali ang pagsulod sa mga environment-friendly nga sakyanan sa merkado.
Gipasiugda ni Energy Secretary Sharon Garin nga ang electric mobility usa ka importante nga haligi sa estratehiya sa seguridad sa enerhiya sa nasud.
via :DOE
