Nag-organisar ang DTI-Tatak Pinoy Strategy Office ug DTI Region -XI og 2025 National Cacao Congress (NCC) nga gipahigayon niadtong Oktubre 16 hangtod 17, 2025 sa Waterfront Hotel sa Lahug, Cebu City.
Pinaagi sa Tatak Pinoy Pavilion, ang DTI nagpakita sa 19 ka Filipino cacao micro, small, and medium enterprises (MSMEs) nga naglangkob sa Filipino craftsmanship, creativity, ug innovation sa cacao product development.
Ang cacao usa ka importante nga industriya alang sa mga Pilipino tungod kay ang pagpalapad ug pagbag-o niini dili lamang makasuporta sa panginabuhian sa mga mag-uuma ug lokal nga negosyo, apan makaduso usab sa export diversification, pagmugna og trabaho, pagkunhod sa kakabus, ug paglambo sa mga lokal nga ekonomiya sa nasud, kini matud pa ni Assistant Secretary Nylah Rizza Bautista, ang Supervising Head sa DTI-TPSO.
Pinaagi sa pag-apil sa 2025 NCC, ang DTI-TPSO nagpakita sa iyang focus alang sa mas dako nga bili sa paghimo sa agri-processing ug agricultural innovation.
Ang NCC usa ka tinuig nga kalihokan nga gipasiugdahan sa Philippine Cacao Industry Council ug sa Philippine Cacao Industry Association nga nagtigom ug kapin sa usa ka libo ka stakeholders gikan sa industriya sa kakaw.
Photo courtesy to:DTI XI
