Nakadawat ang Dakbayan sa Tandag og Certificate of Recognition gikan sa Department of Social Welfare and Development (DSWD) Caraga tungod sa ilang talagsaong kalampusan sa pagpatuman sa Supplementary Feeding Program (SFP) alang sa CY 2024.
Gipasidunggan ang dakbayan tungod sa malampusong pagserbisyo sa 1,548 ka mga kabataan nga natagaan og init nga pagkaon sulod sa 120 ka adlaw nga feeding period, nga nakab-ot ang 102.38% nga physical accomplishment rate usa ka timailhan sa epektibo ug masinabtanong pagpatuman sa programa.
Ang maong kalampusan nakab-ot pinaagi sa panaghiusa ug paningkamot sa mga Child Development Workers sa matag barangay.
Gidawat ni Ms. Analin Revilleza, staff sa CSWDO, ang Certificate of Recognition alang sa Dakbayan sa Tandag atol sa seremonya sa pagpasidungog nga gipahigayon sa Oktubre 21, 2025 sa GO Hotels, Butuan City.
PHOTO COURTESY TO:DSWD CARAGA
