Gisiguro sa Sugar Regulatory Administration (SRA) nga walay mahitabong kakulangon sa suplay sa asukal sa nasud. Kini bisan nga nagpatuman og pagbawal sa pag-angkat hangtod sa tunga-tunga sa 2026.
Giingon ni SRA administrator Pablo Azcona , nga may igo nga suplay sa asukal ang nasud tungod sa bag-ohay lang nga ani niadtong Setyembre.
Kumpleto ang reserve stocks ug adunay kasamtangang pag-ani sa pila ka mga lokal nga mag-uuma. May lakang usab silang nakaandam kung magbaton og kakulangon sa suplay sa asukal sa nasud.
Una ng gipatuman sa Department of Agriculture ang pagbawal sa sugar importation para matubag ang problema sa ubos nga presyo sa asukal.
Photo courtesy to: Yummy.ph
