Nakatala ang Philippine Amusement and Gaming Corporation (PAGCOR) og pag us-os sa income human gipahamtang sa gobyerno ang mga pagdili sa online nga sugal.
Sumala pa kang PAGCOR Offshore Gaming Licensing Department AVP Jessa Fernandez, nga nikunhod sa 49 porsyento ang kita sa ahensya.
Dugang pa niya nga sumala sa ilang mga projection, gipaabot nga mokita sila og Php60 bilyones sa unang unom ka buwan sa tuig apan tungod sa mga pagdili, mikunhod ang kita.
Kahinumduman nga niadtong Agosto, gitangtang sa gobyerno ang mga link sa e-wallet gikan sa mga platform sa online nga sugal, nga nagpatin-aw nga gamay ra ang kontribusyon sa online nga sugal sa panudlanan sa gobyerno.
Photo Courtesy to:Rappler
