Gipasigarbo sa Department of Trade and Industry (DTI) Region 9 ang nakab-ot sa mga Micro Small and Medium Enterprises (MSMEs) nga nakaapil sa pinakaunang Zamboanga Peninsula Exposition (ZAMPEX) 2025.
Matod ni DTI 9 Regional Director Engr. Al Zamir I. Lipae, ang maong mga MSMEs naka-establisar na ug maayong negosyo sa international ug gani daghan na ang nag-abroad sa nakalinyang mga negosyo.
Gisaysay ni RD Lipae, ang Zamboanga Peninsula Exposition (ZAMPEX) 2025 nga gihimo karon sa Zamboanga City, ika onse na nga higayon nga gilusad sa DTI 9 nga gisalmutan sa nagkadaiyang mga MSMEs.
Kahinumduman pipila lang ka mga MSMEs ang gitugutan nga mosalmot nga may maanindot ug mga piniling mga produkto nga andam nang ibaligya sa merkado.
Sa karon misobra sa 50 mga MSMEs ang miapil sa Regional Trade Fair gikan sa nagkadaiyang probinsya sa Zamboanga Peninsula ug siya malaumon nga madugangan pa ang mga MSMEs nga naggikan sa SULU province.
Photo courtesy to:DTI Region9
