Mopadayon sa pagtaas ang pondo nga ihatag sa mga komunidad nga nag-host og power-generating facilities sugod Enero 2026 aron mapaigting ang kalamboan ug elektripikasyon sa nasud.
Gisulti sa Department of Energy (DOE) nga gikan sa ₱0.50 kada kilowatt-hour (kWh) ubos sa Energy Regulation 1-94, mahimong ₱2.50/kWh na ang madawat sa mga host communities. Ang financial benefit mosaka usab gikan ₱0.01 ngadto sa ₱0.03/kWh.
Matod ni Energy Secretary Sharon Garin, ang pondo magamit sa mga proyekto sa panginabuhian, edukasyon, kalikupan, ug panglawas, aron mapalambo ang mga komunidad nga naghatag og serbisyo sa enerhiya.
Magpadayon gihapon ang ₱0.50/kWh nga alokasyon alang sa elektripikasyon sa mga lugar nga wala pa’y kuryente, samtang posible usab gamiton ang pondo aron mapaubos ang bayranan sa kuryente sa mga host communities.
Sumala sa DOE, ang usa ka 100-MW power plant makahatag og benepisyo nga ₱21 milyon matag tuig, samtang ang 100-MW solar plant makahatag og ₱5.5 milyon. Hangtod Disyembre 2024, 683 LGUs na ang napahimulos sa programa, ug gilauman nga mosaka pa kini uban sa bag-ong pondo.
Source: PNA
Photo for illustration credits to:EPOTOS
