Nagwalk-out ang R&B singer nga si Brandy, sa tunga-tunga sa kanta. Nahitabo ang insidente atol sa show ni Brandy uban sa singer nga si Monica sa United Center sa Chicago.
Samtang nagsayaw ang duha, kalit nga nigawas sa stage si Brandy matod pa tungod naglagot siya sa sound issue. Wala na kini mibalik ug nag-inusarang nahuman ni Monica ang pasundayag.
Wala gayud nakanta sa duha ka singer ang ilang hit nga “The Boy Is Mine” nga nahimong sikat niadtong tuig 1998. Sa giluwatang pamahayag sa singer, nakasinati siya og dehydration ug nalipong, hinugdan nga mas maayong mobiya na siya.
Sa katapusan, nangayo siya og pasaylo sa mga fans.
Photo Courtesy to:
