Natala ang Probinsya sa South Cotabato nga labing paspas nga pagtubo sa ekonomiya sa SOCCSKSARGEN Region sa tuig 2024, diin dunay 6.9 porsyento nga growth rate base sa pinakaulahing datos gikan sa Philippine Statistics Authority.
Ang ekonomiya sa probinsiya milapad gikan sa ₱138.40 bilyon sa 2023 ngadto sa ₱148.01 bilyon sa 2024, nagtimaan kini sa kusog nga rebound gikan sa 2.6 porsyento nga pagtubo sa miaging tuig.
Ang pag-uswag sa South Cotabato milabaw sa rehiyonal nga average nga 5.5 porsyento ug ang nasudnong average nga 5.6 porsyento, nga nagbutang niini isip usa sa labing dinamikong ekonomiya sa probinsya sa nasud. Gipasidunggan sa Gobernador sa South Cotabato ang kalampusan sa panaghiusa ug hiniusang paningkamot sa katawhan sa South Cotabato.
Ang PSA nag-ingon nga samtang ang tanang probinsya sa tibuok nasod miposte ug positibong pag-uswag niadtong 2024, ang South Cotabato mibarog isip top performer sa SOCCSKSARGEN ug usa ka modelo sa inclusive ug people-driven economic progress.
Photo Courtesy to:Provincial Government of South Cotabato
