Dakpan ang usa ka lalaking wanted tungod sa kasong paglapas sa Republic Act No. 8485 o Animal Welfare Act, niadtong Oktubre 20, 2025 sa Kidapawan City. Pinaagi sa gikasang operasyon sa Kidapawan City Police Station Tracker Team, kauban ang 1st CPMFC CPPO, Provincial Intelligence Unit (PIU CPPO), CIDG North Cotabato, ug North Cotabato Provincial Highway Patrol Team, ang suspek nga si alyas Mike.
Ang RA 8485 o Animal Welfare Act nga gi-amendahan sa RA 10631, usa ka balaod nga naghatag og proteksyon sa mga hayop aron malikayan ang pagpanglupig, o dili makatarungan nga pagtratar kanila. Tumong niini, mao ang pagprotekta sa mga hayop gikan sa pagpasakit, pagpasagad, pag-abuso ug dili makatarungan nga pagpatay.
Sa karon, anaa na sa kustodiya sa Kidapawan City PNP ang suspek alang sa tukmang disposisyon.
Photo Courtesy to:PRO12 Kidapawan City Police Station
