Gibutyag ni Provincial family Planning and adoloescnebt coordinator LEAHLYN A. ANGELES RN sa Integrated Provincial Health Office kon (IPHO) nga ang tanang Municipalidad sa Zamboanga Sibugay napasidunggan na ug Certified Adolescent-Friendly Health Facility kon (AFHF) human makapasar sa mga gikinahanglan nga Criteria nga gihan -ay sa Department of Health kon (DOH).
Ang maong sertipikasyon nagpasabot nga ang matag Municipal Health Office sa probinsya anaa na sa hustong kapasidad sa paghatag og sigurado, luwas, ug komprehensibong serbisyo alang sa kabatan-onan, lakip na ang reproductive health, mental health, ug counselling programs.
Sumala sa IPHO, kini usa ka dakong kalampusan alang sa sektor sa panglawas sa Zamboanga Sibugay tungod kay nagpakita kini sa malahutayong suporta sa Provincial Government sa pagpanalipod sa kahimsog ug kaayohan sa mga batan-on.
Gipasalamatan usab sa IPHO ang tanang municipal health officers, mga barangay health workers, ug partner agencies sa ilang kooperasyon ug padayong pagserbisyo alang sa kabatan-onan.
