Gipagawas ni Mayor Glenn G. Batiancila, ang Executive Order No. 28, Series of 2025, nga naglatid sa pagpadayon sa suspensyon sa klase sa tanang lebel sa mga pampubliko ug pribadong tunghaan sa lungsod sa Cagwait, sugod Oktubre 20, 2025, hangtod sa mosunod nga pahibalo.
Ang maong mando gibase sa bag-ong mga linog nga nahitabo nga adunay kusog nga Magnitude 5.6 ug 4.3 sa lungsod sa Cagwait ug nagpameligro sa kaluwasan sa mga tawo, mga estruktura, ug pampublikong katin-awan.
Matod sa EO, gihatagan og dakong pagtagad ang kaluwasan sa mga estudyante, magtutudlo, ug tanang kawani sa eskwelahan, ilabi na human sa sunod-sunod nga pag-uyog sa yuta.
Gipasabot usab sa Executive Order nga kinahanglan nga matugotan ang igo nga panahon aron masusi ang structural integrity o kalig-on sa mga bilding sa eskwelahan ug uban pang pampublikong imprastraktura sa dili pa ibalik ang face-to-face classes.
Sa ubang bahin, gimando usab ang aktibasyon sa School Disaster Risk Reduction and Management Committee (SDRRMC) aron magsugod dayon sa damage assessment ug needs analysis sa matag tunghaan.
Photo credit: LGU Cagwait
