Nasikop sa kapulisan ang usa ka armadong lalaki sa Barangay Salvacion, Bayugan City. Sumala sa imbestigasyon, nakadawat og tawag ang Bayugan City Police Station gikan sa usa ka nabalakang opisyal sa barangay kabahin sa presensya sa usa ka lalaki nga nagdala og pusil sa Purok 7.
Ang mga personahe sa Bayugan City Police Station, ubos sa pangulo ni PLT Noel T. Lambid, Deputy Chief of Police, ug sa liderato ni PLTCOL Josef Carlo V. Silang, Chief of Police, daling miresponde sa maong lugar. Didto, ilang naabtan ang usa ka lalaki nga adunay armas sa hawak ug giila kini sa mga testigo nga maoy naggunit sa pusil duol sa Barangay Gym.
Sa pag-imbestigar, mitug-an ang suspetsado nga iya gayud ang armas. Narekober gikan sa iyang posisyon ang usa ka Caliber .45 Pistol M1911A1 COLT (Serial Number 760722), usa ka magazine, upat ka buok bala, ug usa ka holster para sa Caliber .45. Gidayeg sa kapulisan ang maayong koordinasyon tali sa komunidad ug mga otoridad, nga nakatabang sa madali nga aksyon ug pagpanalipod sa kaluwasan sa katawhan.
Ang suspetsado gipahibalo sa iyang katungod ubos sa konstitusyon ug legal nga basehan sa iyang pagdakop. Samtang ang Bayugan City Police Station magpadayon sa pagpanalipod sa kalinaw ug kahapsay sa tanang residente sa syudad.
PHOTO COURTESY TO: BAYUGAN CITY MPS
