Nahimong lokal nga celebrities ang 3 ka mga kanding nga nakaikyas gikan sa usa ka umahan sulod sa tulo na ka bulan ang milabay didto sa Connecticut, New England.
Matod pa sa usa ka rescuer nga si Sylwia Rosinska nga ang mga kanding napamatud-an nga lisud kaau dakpon tungod sa kasipat niini. Nasayran nga ang mga kanding hilig makighalobilo sa mga tawo nga duol usab kanila. Apan, segun ni Rosinska nga basin sa musunod nga mga adlaw o bulan mahimong makabalda sila sa mga motorista nga magresulta nuon sa disgrasya.
Gani, daghan ang mga tawo ang magkuha niini ug litrato kanila ug ipaambit kini online diin gikalingawan usab kini ilabina sa usa ka grupo sa Clinton Roaming Goats.
Samtang gihangyo sa Clinton Animal Control ang bisan kinsa nga makakita sa mga kanding nga dili mosulay sa paggukod kanila, tungod kay mahimo lamang silang mahadlok ug mupadulong sa highway ug makabalda sa mga motorista.
Photo courtesy to: 24 News HD
