Nakurat ang kadaghanan sa bagong kasayuran nga gipagawas sa mga siyentipiko mahitungod sa mga uwak nga langgam nga iladong maalamon ug sosyal.
Gisuta sa mga pagtuon nga ang mga uwák kahibalo mo-ila sa dagway sa tawo, ug kung kanunay sila pakan-on, mubalos kini pinaagi sa paghatag og ginagmay nga “regalo” sama sa masilaw nga butang, mga bato, o gagmay nga piraso sa metal. Kining mga regalo kasagaran ilang ibutang sa dapit nga duol sa ilang suki nga tigpakaon, nga murag ilahang pamaagi sa pagpakita og pag-ila ug pagsalig.
Bisan pa man dili pareho sa pagpasalamat sa tawo, ang ilang pagbuhat nagpakita nga sila kahibalo morespeto ug mohinumdom sa kaayo. Tungod niini, ang mga uwák giila karon nga usa sa mga labing maalamon nga langgam sa kalibutan.
Photo Courtesy to: flickr
