Aprobado na ang dugang usbaw nga Php 30 ngadto sa Php 33 nga suholan kada adlaw alang sa mga minimum wage earners sa pribadong sektor sa Region 12 sugod sa Nobyembre 2, 2025, ubos sa Wage Order No. RB XII-25, nga giaprobahan sa Wage Board.
Ang bag-ong rates magamit sa tanang minimum wage earners sa agricultural ug non-agricultural sectors, luyo paman sa ilang trabaho o pamaagi sa pagbayad.
Tumong sa maong adjustment mga matabangan ang mga trabahante nga makasagubang sa inflation, gasto sa transportasyon, presyo sa pagkaon, ug mga batakang panginahanglan sa panimalay.
Nakalatid sa bag-ong order nga Php 30 kada adlaw para sa non-agriculture ug retail/service establishments ug Php 33 kada adlaw para sa agrikultura, kun asa ipagawas kini pinaagi sa duha ka tranche, diin ang ikaduhang tranche magsugod karung umaabot nga Disyembre 15, 2025.
Photo Courtesy to:RTWPB Soccskargen
