Gikumperma sa grupo sa mga negosyante sa nasud, nga daghang mga langyaw nga tigpamuhunan ang nabalaka ug nagduha-duha nga magnegosyo sa nasud. Kini may kalambigitan sa nabutyag nga mga anomaliya sa mga flood control projects sa nasud.
Sumala pa kay ASEAN-BAC Philippines chairperson Joey Concepcion, adunay mga foreign investors nga nangutana kanila may kalabutan sa nasambit nga isyu.
Gusto nila nga masiguro, nga dili sama ka grabe ang lebel sa kurapsyon nga nahitabo sa nasud. Dugang pa ni Concepcion, nga ang imbestigasyon ug tulubagon sa mga nalambigit makatabang sa paghupay sa kakulba sa mga langyaw nga tigpamuhunan.
Photo Courtesy to:Manila standard
