Nasikop ang usa ka street level individual sa gihimong joint drug buy-bust operation niadtong Oktubre 15, 2025. Kini giila isip dako ang kalampusan ang gipaabot sa kapulisan sa Talaingod, Davao del Norte human
gihimo ang operasyon pasado alas-siyete trenta sa gabii sa Purok 1, Barangay Palma Gil, sa giingong lungsod, pinangunahan sa Talaingod Municipal Police Station ug 1st Davao del Norte Provincial Mobile Force Company uban sa tabang sa PDEA Davao del Norte.
Giila ang dinakpan nga si alyas Lester, 36 anyos, lalaki, minyo, ug residente sa Barangay Sto. Niño, sa nasangpit nga lungsod og probinsya. Nasakmit gikan sa iyang posisyon ang tulo ka sachet nga adunay gituohang shabu, usa ka Php500 nga marked money, usa ka boodle money, ug itom nga Techno Android phone. Gibana-bana nga mokantidad sa 0.295 gramos ang gidaghanon sa nakumpiskar nga droga nga mokabat sa Php 2,006.00.
Sa pagkakaron anaa na ang suspek sa kustodiya sa Talaingod Municipal Police Station Custodial Facility, alang sa tukmang lakang samtang nagpadayon ang imbestigasyon ug pagpasaka sa saktong kaso batok kaniya.
Photo courtesy to:Talaingod Municipal Police Station
