Gihangyo ni Almerah D. Lucman Provincial Head Princess sa National Commission on Muslim Filipinos (NCMF)-Iligan City Field Office , ang tanang mga lumulupyo sa syudad sa Iligan Muslim man ug Kristiyano nga maghiusa ug magtinabangay kanunay.
Sa iyang panawagan, giila niya ang kamahinungdanon sa pagrespeto sa matag-usa bisan pa man nagkalain-lain ang kultura, kinaiya ug tradisyon.
Gidugang pa ni Lucman nga ang panaghiusa usa ka maayong lakang aron masiguro ang kalinaw ug panaghiusa sa mga katawhan sa syudad.
Gipasalamatan usab niya ang suporta sa Lokal nga Panggamhanan sa Iligan pinaagi ni Iligan City Mayor Frederick Siao , nga padayong nagtabang sa pagpalambo sa mga polisiya ug serbisyo alang sa katawhang Iliganon.
