Patay ang usa ka padre de pamilya human giluba sa iyang bilas sa Bulanit, Labangan, Zamboanga del Sur, sayo sa buntag, Oktubre 17, 2025.
Ang biktima nailang si Joel Supilanas Quinalagan, 51 anyos, minyo, samtang ang suspetsado nga bilas ra niini naila nga si Edward Sumondong managsamang residente sa lugar.
Sa inisyal nga imbestigasyon, samtang nag-apuhap sa binuhing manok ang biktima kalit nalang kini nga giduol sa bilas nga silingan ra usab dala ang sundang dayong luba ngadto sa biktima.
Igo sa ilokang bahin ang na-angkon sa biktima nga gidali pa unta pagdala sa balay tambalanan sa syudad sa Pagadian apan gideklara sa miatiman nga Doctor nga dead on arrival.
Human sa maong panghitabo ang suspetsado nadakpan ra usab sa mirespondeng pnp personnel sa Labangan Municipal Police Station.
Samtang desidido usab nga pasakaan ug kaso sa pamilya ang maong suspetsado nga karon anaa nakakustudiya sa Labangan Municipal Police Station.
