Napakyas si Annabelle McDonnell sa pagdaog sa korona isip representante sa Pilipinas sa Miss Globe 2025 human siya nakasulod sa Top 11 sa pageant nga gipahigayon sa Tirana, Albania.
Si Chayathanus Saradatta sa Thailand maoy nakadaog sa korona isip Miss Globe 2025, samtang si Valentina Gegprifti sa Albania maoy ikaduha. Bisan kung wala makuha ni McDonnell ang titulo, nakadaog siya sa Head-to-Head Challenge sa kompetisyon.
Sa national costume competition, si McDonnell nihatag og tribute sa iyang gigikanan sa Iligan City pinaagi sa usa ka maluho nga bulawan nga costume nga inspirado sa Maranao folk dance singkil, kompleto sa mga fans ug payong.
Bisan wala siya nakadaog sa ikatulong Miss Globe nga korona sa Pilipinas, gipamatud-an na usab ni McDonnell ang iyang katakus sa entablado sa internasyonal nga pageant. Kahinumduman nga nahimo usab siyang 1st runner-up sa Miss Charm 2023.
Photo courtesy to: Inquirer.net
