Usa ka makalilisang nga kahimtang ang napadayag sa mga kabus nga komunidad sa Haiti, diin ang mga tawo napugos sa pagkaon og gitawag nga bonbon tè o pan nga gihimo sa yuta, aron maundang lang ang ilang kagutom. Sa uban, ginadugangan kini og Maggi cubes o asukal aron makahatag gamayng lami.
Ang yuta nga gamiton kuhaon gikan sa sentral nga kapatagan, limpyohan ug hulmahon nga murag tinapay dayon pasagdan nga mauga sa adlaw. Bisan pa man sa hitsura, wala kini’y nutrisyon ug ilusyon lamang sa pagkabusog.
Kini nga kalisod nagpahimangno sa kalibutan sa grabe nga kagutom nga giatubang sa mga Haitian ug usa ka panawagan nga magpakabana, mag-amping sa pagkaon, ug maningkamot nga walay tawo nga mapugos mokaon og yuta aron lang mabuhi.
Photo courtesy to:en wikipedia.org
