Arestado sa kapulisan ang usa ka drug suspect human kini nakuhaan sa ginadiling druga atol sa gikasang drug buy-bust operation sa Purok Alindahaw, Barangay Kapatagan Vincenzo Sagun Zamboanga del Sur, kagahapong adlawa Octobre 15,2025 pasado alas 8:40 sa gabii.
Wala na pangalani sa kapulisan ang dinakpan nga 33 anyos, usa ka Street Level Individual ug residente sa maong lugar. Nakuha sa dinakpan ang upat ka putos sa gituohang shabu nga naglakip sa usa ka unit sa cellphone ug ang mga drug paraphernalia, ingon man ang 500 pesos nga maoy gigamit isip buy-bust money.
Sa karon ang tanang nakuhang ebidensya ilabina ang ginadiling druga gidala na sa Zambonga del Sur Provincial Forensic Unit alang sa Quantitative ug Qualitative Examination.
Samtang ang dinakpan tanggong na sa Vincenzo Sagun Municipal Police Station, ug posebling mag atubang na sa kasong may kalabutan sa R.A. 9165 kon Comprehensive Dangerous Dugs Act of 2002.
Photo courtesy to: ZSPPO
