Naka-angkon og samad tinigbasan ang usa ka mag-uuma human kini gitigbas sa usa ka tricycle driver nga natigayon sa may Purok Gandawali, Barangay Poblacion, San Miguel, adlaw’ng lunes, Oktubre 13, 2025.
Sa imbestigasyon sa kapulisan, ang biktima nga 32 anyos impluwensyado sa ilimnong makahubog sa diha nga gitigbas gamit ang sanggot sa laing nakainom nga 39 anyos nga suspetsado.
Samad sa agtang ang na-angkon sa biktima nga dali usab nga gidala sa mga kasilinganan nga mitabang sa Rural Health Unit (RHU)sa lungsod alang sa dinaliang pagtambal.
Samtang human sa hitabo nadakpan ra usab dayon sa kapulisan ang suspetsado ug nabawi gikan sa iyang posesyon ang sanggot nga gigamit pagtigbas ngadto sa biktima.
Pabilin karon nga balhog sa San Miguel Municipal Police Station ang suspetsado aron atubangon iyang salaod nga nahimo.
PD ZSPPO, PRO 9
