Gikonsidera sa Land Transportation office (LTO) Regional office 9 nga epektibo ang pagpatuman sa law enforcement operation sa pipila ka mga lugar sa tibuok Zamboanga Peninsula.
Kini gumikan nga nakab-ot sa LTO Region 9 ang target nga kolektahonon nga revenue sa third quarter niining tuig 2025. Matod ni LTO Region 9 Regional Director Ret. PBGEN Roderick Minong ang hugot nilang pagpanakop usa sa nakatabang aron mapataas ang revenue collection sa rehiyon.
Segun pa ni RD Minong ang revenue collection sa buhatan sa una ug ikaduhang kwarter miubos apan sa karon mitaas na.
Gisaysay pa ni RD Minong dili lang ang pagpataas sa koleksyon ilang tuyo sa law enforcement apan aron usab nga mahimong luwas ang tanan nga mga pasahero o bisan pa man mga motorista sa matag adlawng pagbiyahe.
